اخبار محلية

عاجل : تنسيقيات لجان مقاومة مدينة الخرطوم تدعو لموكب يوم غدٍ الخميس

متابعات: slma

تصريح صحفي مشترك

يا شعب يا مكنة
يا جصلي يا دسيس
واقف القضية قنا
موكب عَقب تتريس

شعبنا المقاوم …

يوم 22 و23 مارس كانو خطوة من خطواتنا الكتيرة البنقاوم بيها الانقلاب والحنسقطو بيها ان شاء الله كما اتعاهدنا مع الشهداء.
كانو يومين للمتاريس ناجحات جدا وهي من وسائل المقاومة السلمية المعروفة.
بكرة عندنا مليونية حتكون إلى قصر الرمم، ودي مواصلة لي سلسلة ممتدة نهايتها حتكون بسقوط الانقلابين ديل.
عشان نحنا عايزين للشعب دا حياة كريمة ولاولادنا مستقبل كويس احسن من العشناهو نحنا.
ودا مابجي الا يكون في حرية وديمقراطية عشان كلنا نقدر نختار منو البحكمنا وكيف يحكمنا، وعشان كل مؤسسة تشتغل شغلها المكتوب ليها في الدستور، الجيش يحمي البلد والشرطة تنفذ القانون والطبيب يعالج والمعلم يدرس ويعلم والكمساري يخلص العربية، وماف زول احسن من زول كلنا سودانين وكلنا عندنا دور.
اها بكرة عايزنكم تكونو كتار كلنا كدا عشان نمشي خطوة جديدة في طريق اسقاط الانقلاب ونواصل لحدي مانصل سوا للواقع النلاقي فيه السودان ده زي ما حلمنا بيه : علي كيفنا ما كيف الرمم

تسقط كلمة واااااااضحة
اي كوز يقد !
صوتنا قال ح نبني،
مافي زول يهد
ثورة للنهاية
موكب الدعاية
خطوة ماشة جاية
عين شمس تسد

تسقط الحكومة
ما ملت هدوما
تسقط الجغومة
يعني بي كلابك
يسقط انقلابك
قد دنا عذابك
يوم حسابك
انكشف حجابك
ارمي كابك

مدن السودان تنبشق
وِجا وِجا

نقاط التجمع:-

▪️باشدار ▪️جاكسون▪️ابو حمامة ▪️القرشي

📍زمن التجمع الساعه 11ص

📍زمن التحرك الساعه 1ظ

مكتب العمل الميداني لتنسيقيات لجان مقاومة ولاية الخرطوم
23/3/2022

•تنسيقيات لجان مقاومة مدينة الخرطوم
•لجان احياء بحري
•تجمع لجان احياء الحاج يوسف
•تنسيقية شرق النيل جنوب

#مليونية31مارس

#مدن_السودان_تنتفض

#الحرية_للمعتقلين

مقالات ذات صلة

0 0 votes
Article Rating
Subscribe
نبّهني عن
guest
0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x